المنتخب الوطني خاصو" روسيكلاج" و مبيد الحشرات

السلام عليكم

المهم بلا مانطولو فالهدرة المنتخب الوطني خاصو يتضرب بداك مبيد الحشرات لأنه عامر غير حشرات أو براغيت مامتفاهمينش أو كاينا المحسوبية أو كاينين القبائل فداك المنتخب ( الشماخ بقبيلتو ، الحمداوي بقبيلتو ، البطولة بقبيلتها ........) واخا نبداو نبدلو بعض اللاعبين راه مانافعاش حيت داك الهيكل الخامج نتاع المنتخب مازال حاضر أو كيف ما قلت هاد الهيكل فيه بزآآف ديال الحشرات مضاربين بيناتهوم ، أو باش ماتبقاش هاد المحسوبية فالمنتخب خاصنا نسوطو على هاد الشردمة ديال اللاعبين بمبيد الحشرات باش يتساس داك الهيكل المسوس أقصد بكلامي هدا مابقاو نعيطو على تا واحد من هاد البراهش لي مرغو بالتوني ديال المنتخب فالأرض أولي تايصحابهم اللعب مع المنتخب بحال اللعب فمبارايات خيرية غير الطماع الخوه لي بغا يبان يبان على ظهرنا لي علماتو مو عامرة ف خاوية تيجي يتسبوبا علينا بيها هنايا زد على ذلك عدم الإحترام للمدرب و الجمهور و القميص الوطني ولكن الجامعة هي لي دارتها بينا طيحات علينا الذل وا عباد الله فين عمر كان المنتخب تيرغب فاللاعبين يجيو يلعبو معاه ولينا نطيحو بالتوني على لي يسوى و لي ميسواش ولا التوني بحال الشرويطة ولينا حنايا هو الرويضة ديال السوكور ديال هاد الشردمة ديال اللاعبين قاليك تايرغبو ف كارسيلا راسو بحال المانيطة أو داك قابول لي داير بحال شي قادوس و الله يعز الناس لي خلات فرانسا أو قبلات المغرب ( يوسف العربي) خلينا من دوك بقال مول الحانوت أو آيت فانا الله يجعلو تحت رجلين البافانا بافانا أو زيد أو زيد
من هادشي كامل المنتخب خاصو روسيكلاج خاصنا نجريو على هاد العياقة كاملين نخليو غير العربي و بنعطية و كريتيان بصير أما الباقي الما و شطابة تال قاع البحر مبقيناش بغيناهم وخا يكونو تايمركيو 10 ديال البيوت ف الماتش و لاعبين مع البارصا حيت مع المنتخب تيتعوقو الله ينزل عليهم الذل ، المهم نجيبو لاعبين جداد يكونو باغيين يلعبو من أجل الراية الوطنية واخا يكونو صغار و نوجدو منتخب زين لإقصائيات منديال 2014 أما هادو إلا عولنا عليهم ها وجهي لا درنا شي حاجة