إلى بغينا نطلبوا كنطلبوا الله بوحده منطلبوا حد
ولكن بما أنه شادينا شي ناس فمن حقنا عليهم يلبيوا المطالب ديالنا
فجميع المجالات من غير السياسية السياسة ديالكم
حنا غا على باب الله و بغينا غا نعيشوا بيخير و صافي
هاد البلاد فيها شحال من خير و شحال خيرات و شحال من ثروات
ها الفلاحة ها المعادن ها واحد البحر مجبد يعيش الشعب كله بيخير
حنا مبغيناكم تقسموا معانا والو
كلشي ديالكم
خودوا لي بغيتوا عارفكم مربيين الكرش
ولكن مفيها باس تديروا سياسة كول و وكّل يعني حتى حنا نقسيوا معاكم غا شوية
--------------------------------------------------------------------------------
من المطالب ديالنا المباشرة :
السكر قالب : 5.00 دراهم (عطا الله الشمندر و نتوما كل شوية تزيدوا عشرادريال أأأأأو)
الشاي : 20 درهم للكيلوا (نتوما حالين البيبان للسلعة د الشينوا مقدرتوا غا تشوفوهم يديروا لنا شي ماركة مزيانة)
الزيت الرومية : 30 درهم 5 لتر (فالحين غا تهبطوا لينا تزيدوا تزيدوا مخليتوا حتى الساعة فالتيقار)
الدقيق القمح 80 درهم 25 كيلو (الخبز هو كلشي ...)
الدقيق الفورص : 50 درهم 25 كيلو (زير معانا شوية)
الخضر : حيحتوا علينا ماطشة وصلات 360 ريال ولات حرام كاع و لاصيرات د الفلاحة مشتتين فالمملكة
الضرائب الماء و الضو : قهرتونا والله يصحاب لكم عندنا ماكنة د الفلوس ؟؟ حنا غا شماكرية لا خدمة زينة لا والو
...
هذا غااااااا أخف المطالب
مبغينا لا مناصب سياسية ولا نهدروا فالسياسة كاع
مبغينا لا هدرة كثيرة ، بغينا غا نعيشوا بيخير مهنيين
مرة مرة تخليونا نتفرجوا فالمنتخب يربح مصر و يسخسخ تونس و الجزائر بااااااااركة